bag-o nga karaan

Sige lang tang gabalikbalik
Niining atong mga palabtik
bahin sa tanang mga gitik-gitik
ning kinabuhi nga gisugdan
matud pa nila, sa big bang--

Pericles, Pope ug Parnasus
Dryden, Decorum, Dionysius
ug uban pang mga butang
nga nahisakop sa panumduman.

Bag-ohon na kaha nato ang kinaraan
nga mga hisgot ning kalibotan
nga dugay nang nitambling sa higdaanan.
Magtukod na lang ta og bag-ong taytayan
kay basin pa diay sa kataposan
ang himaya ato ra gyong makaplagan.

-- MARIA VICTORIA BELTRAN

Cebu City, Philippines