nasod

(hubad sa Iningles nilang Adnan Haydar ug Michael Beard sa Arabic nga balak ni Adonis)

Sa mga dagway nga nibantok sa ilawom sa maskara sa kasubo
Ako moyukbo. Sa mga dalan diin ang akong mga luha nanghabilin,
Sa amahang namatayng lunhaw, sama sa panganod,
Kang kinsang panagway sa layag naghulagway, ako moyukbo.
Sa bata nga gibaligya aron siya magaampo og manglimpiyag sapatos.
(Kaming tanan sa akong nasod, nagaampo. Kaming tanan nanglimpiyag sapatos.)

Ug sa mga bato diin ang akong kagutom nagkulit sa mensahe;
Kining maong bato gayod ulan nga nagpahipi sa akong pilok, usa ka kilat.
Nagayukbo ako sa mga panimalay kang kinsang mga abog nadala
Sa akong pag-agi sa akong pagkasaag. Silang tanan ang akong nasod. Dili
ang Damascus.


-- LEO BOB FLORES
Bukit Batok, Singapore