11.22.2008

saging sa mapagarbohong mag-uuma
















Giguroy ko ni Inting
Paingon sa kasagingan
Nga wala mapatag sa panahon.
Giguroy ko niya aron
Mopaduol niya ug malantaw
Sa bunga sa iyang saging
Nga gitanom niya niadtong
Niaging Semana Santa.
Pagka-anindot, pagkahimos,
Pagkabus-ok. Nahingangha ko
Sa kalami sa bunga nga
Nagkumbitay Sa iyang punoan,
Makusganong mibarog.
Nagpanlad-ok ko sa nakita.
Nanglimbawt akong balhibo,
Miduko ko'g dayong lingiw
Kay kadako sa bulig.
Naibog ko sa iyang tinagoan
Ug wala ko kapugong
Sa pangandoy nga makuhit
Ug maangkon sa hingpit.


-- HAZELEN C. COBOL
Argao, Cebu, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.