11.19.2008

ang kabangis sa iyang silingan
















ug ang iyang abogado mipakita
sa mga larawan:

exhibit 1: ang itsura
sa usa ka iring nga nabulhog
kay ang iyang usa ka
mata sa wala gilangkat
ginamit ang kutsilyo

exhibit 2: ang mga nangapaknit
nga panit sa iring nga abohon
gilaphawan sa ininit nga
tubig gikan sa kusina

exhibit 3: ang usa ka bag-ong
natawo nga iring, gamay pa
sa kuting nga gidat-ogan
sa galingan sa mais, napidyat
ug ang dugo misiplit ug
nakamantsa sa usa ka
puti nga t-shirt

mao kana ang mga ebidensya
batok sa iyang silingan nga mga iro
og pamatasan

ang misumbong mao
ang mga iring nga namarog
sa katakos sa ilang pangatarungan
nga dili gustong ibutang

sa ilang mga kawras ang balaod
sa ilang miyaw nga kalibotan


-- RIC S. BASTASA
Katipunan, Zamboanga del Norte, Philippines

1 comment:

Balitaw said...

"ang misumbong mao
ang mga iring nga namarog sa katakos sa ilang pangatarungan
nga dili gustong ibutang
sa ilang mga kawras ang balaod
sa ilang miyaw nga kalibotan"

kamaayo god ani nga mitapor,
may mga iring pa d ay nga misalig sa sestema sa atong pamalaod. kumusta na kaha ang mga kaigsoonang iring nga mga sakop ni robin hood sa kagubatan.


Daghang salamat sa mga maniniyot nga gapaambit sa ilang mga hulagway sa Google ug Flickr.