delirium tremens

Mikurog ang bino sulod sa giisang baso
Mikurog ang basong gipingki ug gilamano
Mikurog ang kamot gakupot unya gisablok
Mikurog ang dila nagsalimuang pagyarok

Nagdeliryo ang talad sa kopita nagsabak
Nagdeliryo ang kopita nag-ipis sa alak
Nagdeliryo ang tutonlan sa alak nalumsan
Nagdeliryo ang lawas bad-ay sa lingkoranan

Mitindog nagsusapinday nagtuwad botelya
Mikurog nagdeliryo nakigtagay nagsuka

-- MELQUIADITO M. ALLEGO
Palm Harbor, Florida, USA