bisan sa damgo lang

usahay ang paghandom walay kapuslanan
kon sa pagbati ug parayeg hinikawan,
matam-is nga pahiyom bahandi ning dughan
higugmaon ko hangtod sa kahangtoran...

sa lapyahan ang pobreng lusay nagmahay
niadtong hangin ug balod nga nagbiaybiay
yamog sa kagahapon daplin sa baybayon
handumanan sa gugmang walay kamatayon.

pungpong sa kamingaw ug kasakit
ang timawa sa langit nagsangpit,
bisan sa damgo lang ayaw isalikway
ang kasingkasing nga puno sa pagtamay.

-- ARTURO J. PAMAONG
Missouri, USA