ampuh sa saitan*

Sa pangalan sa amahan, sa anak
Ug sa mga kalag
Akong isaysay ang akong pag-ampuh diha kanimo
Ako nagatuo sa gahom sa saitan
Sa yuta, sa hangin, sa kayo ug kadagatan
Nagatuo ako sa makagagahom sa tanang makagagahom
Ang uyok sa langit, sa yuta, sa dagat, sa hangin ug kayo
Ang tinubdan ang sinugdanan sa tanan nga anaa dinhi sa kalibotan
Sa kalibotan sa makita ug dili makita
Dinhi sa kalibotan sa kawanangan sa yuta, kadagatan ug sa alimpatakan
Kalibotan sa kalipay, kaguol ug kasakit
Kasakit, kaguol og kalipay sa kahiladman og sa kahitas-an
Sa pulong, sa tingog, sa panag-way sa tanghaga
Sa pangalan sa amahan, sa anak ug sa inahan
Himamata ang panagway sa kahulogan akong pag-ampuh sa saitan
Ang panagway ug kahulugan ning akong hait nga ampuh saitan sa kampilan.*

________________________________________

Ampuh : sa Basaha bout pasabot nga gahum gikan sa saitan.
Saitan : sa mga Sama og Iranun kusog(force) gikan sa uyok sa kinaiyahan.
Kampilan : sundang sa mga Iranun, Maguindanao og Maranao. Matod ni James Francis Warren nga labing dako ang kampilan sa mga Iranun tungod kay ang kampilan sa mga Iranun alang sa pagtabas sa lawas sa tawo og dili alang sa pakig-away.
________________________________________

-- LEO BOB FLORES
Bukit Batok, Singapore