mga tumong, mga pangandoy

Ah poems amount to so little when you write them too early
in your life. You ought to gather sense and sweetness for a
whole lifetime, and a long one if possible, and then at the very
end, you might perhaps be able to write ten good lines.
-- Rainer Maria Rilke

Ang pagkakita sa pagpamulak sa kawayan.
Ang pag-abot ug usa ka lakang paduol sa Kabugason.
Ang pag-adto sa luna diin didto matawo ang usa ka perlas.
Ang pagtan-aw sa luyong kilid sa bulan.
Ang pagpanaw sa sulod sa usa ka tulo sa tubig.
Ang paghikap sa pinitik sa kasingkasing sa usa ka tigre.
Ang paghawid sa usa ka kumkom sa aso.
Ang pagsulat og napulo ka maayong mga linya sa balak…


-- URIAS A. ALMAGRO, M.D.
New Berlin, Wisconsin, USA