Kon pwede lang unta
igaid ang kalipay.
Kon pwede lang unta
ibutang sa garapa
o di ba himoong pickles para molungtad.
Asinan ba kaha para magdugay.
May langit ba ang ugat sa kalipay?
O sama sab sa kasakit, naggukod sa hangin
nga lumalabay sama sa usa ka ferris wheel--
taas nga kalipay, mubo nga kalipay--
bisan unsa kahabog,
mousab kini padulhog.
-- CANDICE SALAZAR
Calgary, Alberta, Canada
3 comments:
bilib jud ko nimo inday candis..pagkanindot sa imong mugna...
ang kalipay pud kaha
baye ug laki
kay atong pasanayon?
ganahan gyod ko ani ms. candis, salamat sa imong inspirasyon :-)
ang kalipay ba usab kaha
mora og hangin nga gininhawa
nga og imohang pugngan,
mao ra'y imong kamatyan?
maayo kaayo pagkahimo. nadakpan ang kamatuoran sa kalipay sa pipila ka linya.
Apir!
Post a Comment