9.11.2008

sayong kabuntagon

















Gidaman ang alibangbang, nagsalimuang.
Nilili ang adlaw luyo sa panganod.
Nahigmata ang Sampaguita nga natulog.
Nigimaw ang gamot nga nitago.
Nisayaw ang dahon sa Anahaw.
Niurong ang bato nga gitumban.
Nikatawa ang lumot sa nataran.
Nibatog ang Tamsi sa sanga.
Nigawas ang Wati nga nagluklok.
Nibuka ang Mimosa nga nagpahipi.
Nihuyop ang hanging bugnaw
Sa akong nawong. Gipukaw niya
Kining kalag nga sa pipila ka oras,
Nagdamgo niining tanan.



-- MARIA VICTORIA BELTRAN
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.