ang babaye nga gipanup-an sa kasakit

1

Nahan-ay ko na ang mga pulong
nga kinahanglan kong
yamyamon. Sukad karon
mapasakitan lang ko nimo
kon natulog ko unya
motungha ka sa akong damgo.

2

Gilup-itan ko sa akong pitaka
ang usa ka sulat nga
wala pa matapos, nga wala ko
masayod unsaon pagtapos.
Mao niy akong panalipod
kon mingawon na sab ko nimo.

3

Kon makalugar ka, palihog,
tug-ani baya ko bahin niya.

-- VICENTE VIVENCIO BANDILLO

Dubai, United Arab Emirates