samtang nag-anam og kangitngit ang kagabhion

Samtang nag-anam og kangitngit ang kagabhion
Ang duha ka linalang piit nga nanagtupad
Sa nagpakusog nilang sakyanan.
Bag-o lang silang nagkahimamat. Apan
Ning bahin sa kangitngit nga ilang gisalohan
Ang ilang mga lawas daw dugay nang nanag-ilhanay.
Pakusgi, pakusgi. Ug ayaw gyod paghunong
Ang usa kanila nagkanayon.
Ug sama sa duha ka agila
Nga milupad gikan sa ilang gibatogan
Ang ilang mga balatian misarap
Ngadto sa nagkalalom nga kangitngit
Niadtong pa nila hiilhing kagabhion.

-- URIAS A. ALMAGRO, M.D.
New Berlin, Wisconsin, USA