Paminaw apan, inday, ayaw kalimot og panakla
Kon kutob sa panganod ang punting sa iyang dila.
Pangluwa kon lapawan kanang imong dunggan
Sa dugos nga laway lahos diha sa imong dughan.
Uyoga ang buwak bugti sa gayawit nga buyog.
Taghoyi ang buwan kon haranahan kas’ hubog.
Duyogi’g hagok ang gidamgong halok sa pahak
Nga prinsipi. Gabagutbot ang baki: Bakak, bakak…
-- MICHAEL U. OBENIETA
Topeka, Kansas, USA
2 comments:
maayo gani kay wala didto ang baktin
nga mosyagit ug 'brikkk, brikkkk, brikkk! (as in paundangon na ug pamakak ba..break)
ug ang tiki nga mo "tsk tsk tsk"
ug ang manok nga moingon ug
"ipapuooooook! ipapuoooookkk!"
i sent the link to a friend in chicago, he was laughing and said..
bantay lang na sila sa kabisdak kay
magsulat sab ko.. puhon...
Mao gyod, Nyor! Lingaw gyod ning Binisaya, uy. Labing maayo kon managhan ta dinhi sa atong balayan sa Kabisdak. Alegre! :)
Post a Comment