Sukara ang kahadlok sa init nga kaha
Aron imong isula sa dukot nga panggoberno
Ibutang sa imong plato samtang
Naay mga yawa sa imong atubangan
Kinamota ug usapa hangtod
mabusog ka uban sa mga bala
Hay...dili na uso ang tinidor ug
Kutsara, mao na, kaon na lang diha.
Kon ikaw mapul-an sa imong sud-an,
Uy, ang kahadlok pwede baya silian
Ania pa man sad ang hilaw nga paglaom
Ug isawsaw lang sa bahaw nga kalinaw
Ug kon ikaw mapaso, intawn
Ayaw kalimot og pag-ampo
-- CINDY VELASQUEZ
Labangon, Cebu City, Philippines
1 comment:
tinood jud, bahaw na ang kalinaw...haay unsaon na lang.igo lang ba ta ani sa pangagho? salamat sa pagpasalamat ug ako sab magpasalamat sa inspirasyon.salamat sa mga balak...pls. ipadayon ang pagsulat
Post a Comment