takulahaw lang

Unsaon man pagdakop
Sa dagan sa tubig sa sapa
dinhi sa akong mga palad?
Unsaon pagbabag
Sa kalayo nga mikaon
sa nag-ugang bunot sa lubi?
Unsaon man pagtipig
Sa kahumot sa ilang-ilang
dinhi sa mga panid
sa bug-at kong libro?
Unsaon pag-undang
sa pag-usbong sa bata
nga samtang gamay pa
sa akong kiliran mohigda?

Kab-ota pinaagi sa imong
kasingkasing. Paghinay
kay kining mga butanga,
takulahaw mangluod. Adto
sa panganod, magpaanod.


-- MARIA VICTORIA BELTRAN
Cebu City, Philippines