nanawag ang adik sa iyang anghel

tugpa pod oy
wala na gyod ka'y tugpa-tugpa
ayaw pag-inaders
tugpa diri og istorya ta
gusto ko mahibaw
kon lingin ba
ang kasing-kasing
sa imong amo
o mas lab ba niya
ang pusyer kaysa sa yuser
gusto ko makahibaw
kon ang siks tayms siks
para niya
tirtisiks ba gihapon
gusto ko makahibaw
unsa iyang paboritong kolor
sa rinbo
ug kon mas lagom pa ba
ang wa-it sa babaye
nga gisulisitan sa akong kutsilyo
kaysa sa wa-it nako
nga dugay na'ng gikampatan og dugo
ari diri tugpa kay dungan ta
og lupad duha


-- BAL MARSIUS L. VALDEHUEZA
Cebu City, Philippines