Nagtuyok sa akong atubangan
ang mga balabad nga hait;
mahimo kining pahinayan
mahimo nga pakusgan ug
mahimo usab paundangon.
Susama sa ato
nga nagtuyok sa usa ka lugar
mahimong padaganon
mahimo usab nga undangon.
Apan mao kini ang pangutana;
Kinsa man diay ang nagkupot
sa mga panghitabo
nga nagtulod kanato
Pagtuyok og kusog,
pagtuyok og hinay
ug sa pag-undang?
Ang uban, sila na
ang niundang sa
ilang pagtuyoktuyok.
-- MARIA VICTORIA BELTRAN
Cebu City, Philippines
No comments:
Post a Comment