buang ko

Sa usa ka lawak nga dulom
Nangapa ko sa usa butang
Nikamang ilawom sa katri
Ug nikatkat sa kisami
Ning akong paninguha
Pagkaplag sa itom
Nga sapot kong nawala.
Dugay kong nakamatngon
Nga wala diri ang sinina
Nga dili gyod makakita
Kining akong mga kamot
Nga hagbay rang buta

Apan dinhi sa akong ulo
Nadunggan ko ang malipayon
Nga tono: Buang ko.


-- MARIA VICTORIA BELTRAN
Cebu City, Philippines