mga bulsa

Ang bulsa mas tinuod sa iyang pagkabulsa
Kon way sulod. Ingon man nga ang tungol
Mas tinuod sa iyang pagkatungol
Kon gigutom. Kay ang kawad-on, ang kagutom,
Ang mga pangandoy ug mga damgo
Mao ra man ang tua sa way sulod nga mga bulsa.
… Higala, kita ra gyud ang nahibalo
Kon unsa man ang atong gipangandoy ug gidamgo
Nga mahisulod ning way sulod tang mga bulsa.


-- URIAS A. ALMAGRO, M.D.
New Berlin, Wisconsin, USA