usa ka palito sa pusporo

Nag-inusara
ang usa ka palito
nga nahibilin sa
kahon sa pusporo
apan daghan pang
mga butang
nga kinahanglan
akong dagkotan--

ang nagbitay
nga sigarilyo
dinhi sa nag-uga
kong baba,
ug ang gitugnawng
tubig nga
natulog sa kaldero.

Asa man niini
ang akong unang dagkotan?
Basin baya og kawaton
sa hangin ang siga.

Dagkotan ko na lang kaha
kining akong sigarilyo

nga nag-uga ug naghinam-

hinam nga mosiga.

-- MARIA VICTORIA BELTRAN
Cebu City, Philippines