agtang sa rosa

(hubad sa balak ni Rene Char)
















Bisan sa giablihang bintana sa lawak sa dugay nang kawala, ang alimyon sa rosa
tua gihapon nahidugtong sa gininhawa nga kanhi didto.
Ug sa makausa pa kita walay kanhing kasinatian, mga bag-ong abot,
sa gugma. Ang
rosa! Ang hawan sa iyang mga paagi mopapha sa kahambogan
sa kamatayon. Way pagkagod nga makabarog sa iyang agianan.
Ang tinguha buhi, usa ka kangutngot sa sihag tang mga agtang.

Ang usa nga molakaw ning kalibotan sa iyang mga ulan way angayang kahadlokan sa tunok sa mga dapit nga nahuman o
dili mahigalaon. Apan kon siya mohunong sa pagpakisalo sa iyang kaugalingon,
kaalaot! Matusak sa labing dayon, mokalit siya paglupad ngadto
sa mga abo, usa ka magpapana nga gibawi sa kaanyag.


Gihubad ni:
-- URIAS A. ALMAGRO
New Berlin, Wisconsin, USA