alang sa tawo nga hilig og kaon

Kadtong imong larawan
Sa pulahon nga sakayan nga dunay
Usa ka katig nga naglutaw sa
Ibabaw sa lubog nga suba

Pagkaanindot gayod tan-awon

Morag sushi sa ibabaw
Sa cheese nga parmesan
Pizza ang larawan sa gatabisay

Nga dila, naglaway gustong

Mopaak bisag gamay nga hiwa
Diha sa iyang hotcake nga kalibotan.


-- RIC S. BASTASA
Katipunan, Zamboanga del Norte, Philippines