delusyon

Ako nahipugwat: ang kamalig nga
nagsapwang sa kalag (ko?)
Gilukdo sa mga balod.
Mingulob ang dagat*
Ganihang hapon may irong buang
Nagdagandagan sa hunasan
Nagpaghot sa ngalan (ko?)
Nga gisulat sa tanang kabaybayonan.
Mga agukoy nanulod sa akong dalunggan
Samtang ang mga gangis midanguyngoy
Nga nagluhod sa lapalapa (ko?)
Ug sa tunga sa dalan may dinagkotang
Kandila sulod sa taro nga giugbokag
Krus: ang ligid: ang ligid gibitay
Sa kamalig sa tunga sa lawod sa tanlag (ko?)
Ang kalibotan naghilak naglibak kanako

-- MELQUIADITO M. ALLEGO
Palm Harbor, Florida, USA