lugar lang

Tagai og lugar
kining nagpagarpar
nakong tokar

Kay buot mokawas
ang mga balas
nga nasaag ning lawas

Nasangit
ug nikaw-it
sa ngilit ngilit

Sa akong ngipon
bisan wala ko'y gikaon
kay kulang akong bawon

Kay dinhi sa akong dila
ang balas morag gagmayng isda
nisuksok ug nitila

Kay gustong magpatagad
sa ilang nagtuwad-baliskad
nga mga panaad

Dinhi sa nagbasabasa
kong baba
nga dili buot magsabasaba.


-- MARIA VICTORIA BELTRAN
Cebu City, Philippines