sa wa pa ang lunop

Mahimong hiabtan ko pa ikaw
kay lawod man lang ang
nag-ulang kanato. Ug kay wa
kiniy gipalabi, ug way gitakdang
panahon, dili angay kahadlokan
ang unos. Tataw nga dili na
kapugngan ang taob, ug dili
madugay wa nay kagahapon
o umaabot nga atong kasibogan.
Mao nga andam na kong molawig:
apan tug-ani ko, dili kaha
ulahi na ang tanan, karon
nga giangkon na sa gapnod
ang mikatap nga baybayon?

(yukbo kang Herr Doktor Hermann Klaus Hugo Weyl)

-- VICENTE VIVENCIO BANDILLO
Dubai, United Arab Emirates