Mga Pahinungod, Mga Panaad, Mga Pasalig
Alang sa kagahapon.
Alang sa akong agianan.
Alang sa mga pagkahikurat.
Alang sa mga kasaypanan nga nahimong matarong.
Alang sa kaugmaon kon naa pa ako.
Alang sa sunod nga tinuod nga butang.
Alang sa akong pagdala ning tanan
lagpas sa bisan unsang gikinahanglan.
Alang sa pagsunod sa gamayng ginoo nga kanako ra gyud makigsulti.
Paghugas Sa Pinulongan Sa Tribo
Ang paglakaw pagpahilayo nagkahulogan og
“Panamilit.”
Ang pagpunting sa kutsilyo ngadto sa imong tiyan nagkahulogan og
“Palihog ayawg usba kana pagsulti.”
Ang pag-akbo ngadto kanimo nagkahulogan og
“Gihigugma ko ikaw.”
Ang pag-isa og usa ka tudlo nagkahulogan og
“Ako labing malig-on nga miuyon.”
“Tingali” nagkahulogan og
“Dili.”
“Oo” nagkahulogan og
“Tingali.”
Ang pagtan-aw kanimo nga sama niini nagkahulogan og
“Diha nay imong higayon.”
Vita
Ang Ginoo miagak sa akong kamot
ug kini misulat
“Kalimti ang akong ngalan.”
Kalibotan, palihog tamda--
usa ka kinabuhi milabay, usa lang
ka kinabuhi, way mga pagpang-angkon,
usa ka pagbungabunga sa mga milyon
ka mga bituon nga milabay,
usa ka tingog nga mikutat--
Usa ka pasiklap
ug usa ka kalibotan
ug usa ka kamot.
Gihubad ni:
-- URIAS A. ALMAGRO
New Berlin, Wisconsin, USA
No comments:
Post a Comment