didto sa sulod sa langob

Didto sa sulod sa langob sa karaan
Nga simbahan
Adtoa ug pangitaa ang kamatuoran.
Abli ang tugas nga pultahan
Wala kini trangkahe ug puthaw
Nga kandado

Sulod didto. Sulod na.
Padayon didto sa unahan
Sulod pa gayod hangtod
Didto sa utlanan.
Makita mo ang daghan
Nga mga gagmayng bintana
Nga gidan-agan sa ginagmayng
Kahayag sa putli nga adlaw.

Nakita mo na ba kini didto sa karaang
Simbahan sa Baclayon? Kon mao,
Nganong karon moingon ka man
Nga wala ka kaayo’y kapilian?


-- RIC S. BASTASA
Katipunan, Zamboanga del Norte, Philippines