Ang magbabalak
Usa ka arkitekto
Magbabadlis sa pinuy-anan
Sa mga damgo
Sa mga mamumuo.
Ang magbabalak
Usa ka mamumuo
Trabahamte sa pabrika sa mga metapora
Nga gibuhat gikan sa singot, luha ug dugo
Sa mga rebolusyonaryo.
Ang magbabalak
Usa ka rebolusyonaryo
Pakigbatokan ang mga panaogdaog
Sa diktador nga tradisyon
Aron madugmok ang berdugong simbolo
Sa imperyalistang kaalam ug pagtuo.
-- LEO BOB FLORES
Bukit Batok, Singapore
No comments:
Post a Comment